ԳՆԱՌԱՋԱՐԿԻ ՆԵՐԿԱՅԱՑՄԱՆ ՀՐԱՎԵՐ (ԳՆՀ)

Գնանշում աշխատանքների համար

4 դեկտեմբերի 2024թ․

Ծրագիր` Գերմանական միջազգային համագործակցության ընկերության (ԳՄՀԸ/GIZ) կողմից իրականացվող, ԵՄ-ն հայկական համայնքներում էներգաարդյունավետության և վերականգնվող էներգիայի համար ծրագիր, Փոքր մասշտաբի վերականգնվող էներգիայի և էներգիաարդյունավետության միջոցառումներ հանրային շենքերում և պիլոտային մեկուսացում տնային տնտեսությունների մակարդակում միջոցառում;

Ֆինանսավորման աղբյուրը՝ ծրագիրն իրականացվում է Եվրոպական միության և Գերմանիայի Դաշնային Հանրապետության տնտեսական համագործակցության և զարգացման նախարարության (ԳԴՀ ՏՀԶՆ) ֆինանսական աջակցությամբ;

Պայմանագիր՝ Տավուշի, Լոռու և Գեղարքունիքի մարզերի համայնքների 20 տնային տնտե-սություներում ջերմամեկուսացման աշխատանքների իրականացում, GIZ/ESF/NS-2024/002 (2 Լոտով)

Հրավերի ամսաթիվ` 04 դեկտեմբերի 2024թ.

Հարգելի Հայտատու,

1. Էներգախնայողության աջակցման հիմնադրամը (Պատվիրատու), սույնով հրավիրում է Ձեզ ներկայացնել Գնառաջարկ հետևյալ աշխատանքների համար.

Լոտ 1. Տավուշի և Լոռու մարզային համայնքների տնային տնտեսություններում ջերմամեկուսացման աշխատանքների իրականացում, GIZ/ESF/NS-2024/002 -1;

Լոտ 2. Գեղարքունիքի մարզային համայնքների տնային տնտեսություններում ջերմամեկուսացման աշխատանքների իրականացում, GIZ/ESF/NS-2024/002 -2;

2. Ձեր Գնառաջարկի պատրաստմանն օժանդակելու նպատակով մենք կցում ենք անհրաժեշտ մասնագրերը, գործառնությունների ցանկը, սխեմաները, Գնառաջարկի ներկայացման և Պայմանագրի նախագծի ձևերը:

Դուք պետք է ներկայացնեք Գնառաջարկ էլեկտրոնային ֆորմատով` Առաջարկի ձևի հետ միասին։ Ստացող` Աստղինե Պասոյան։ Էլ.փոստ: info@esfarmenia.org

3. Դուք որպես գլխավոր կապալառու պետք է ունենաք սույն հրավերում ներառված աշխատանքներին համարժեք, նմանատիպ բնույթի և բարդության առնվազն 1 (մեկ) շինարարական աշխատանքի փորձ վերջին 3 (երեք) տարիների ընթացքում և ներկայացնեք աշխատանքների բարեհաջող ավարտի համար բավարար ֆինանսական միջոցների վկայություն:

4. Յուրաքանչյուր հայտատու կարող է ներկայացնել միայն մեկ Գնառաջարկ կամ առանձին, կամ որպես համատեղ ձեռնարկատիրական գործունեության (ՀՁԳ) /Կոնսորցիումի/ գործընկեր: Բոլոր Գնառաջարկները, որոնք կներկայացվեն այս կարգի խախտումով, կմերժվեն: ՀՁ գործընկերները համատեղ և յուրաքանչյուրն առանձին առանձին պատասխանատու են պայմանագրի կատարման համար: ՀՁԳ-ի դեպքում առաջատար գործընկերը պետք է ներկայացնի վերոնշյալ 3-րդ կետով պահանջվող փորձը: ՀՁԳ-ի բոլոր գործընկերների ֆինանսական միջոցները կգումարվեն` դրանց բավարար լինելը գնահատելու նպատակով:

5. Գնառաջարկների գնահատման ընթացքում Պատվիրատուն կորոշի յուրաքանչյուր Գնառաջարկի գնահատված գինը` թվաբանական սխալների ուղղումներ կատարելու միջոցով ճշգրտելով Գնառաջարկը, առաջնորդվելով հետևյալով.

ա) այնտեղ, որտեղ կա անհամապատասխանություն բառերով և թվերով գումարների միջև, կգերակայի բառերով գրվածը,

բ) այնտեղ, որտեղ կա անհամապատասխանություն միավորի արժեքի և ընդամենի միջև, կգերակայի միավորի արժեքը,

գ) եթե Կապալառուն հրաժարվի ընդունել ուղղումները, նրա Գնառաջարկը կմերժվի:

6. Ձեր Գնառաջարկը պետք է ուժի մեջ լինի քառասունհինգօրյա (45) ժամկետում` հաշված Գնառաջարկի ներկայացման վերջնաժամկետից:

7. Ձեր Գնառաջարկը Հայերեն լեզվով պետք է ներկայացվի բոլոր աշխատանքների համար և հիմնված լինի Միանվագ Գումարով պայմանագրի համար Առաջարկի ձևում և Գործառնությունների Ցանկում նշված ընդհանուր գնի վրա: Առաջարկված գների և վճարումների արժույթը հայկական դրամն է: Գնառաջարկը պետք է ներառի տեղական օրենսդրությամբ նախատեսված` կապալառուի կողմից վճարման ենթակա բոլոր հարկերը, տուրքերը և այլ պարտադիր վճարները*:

8. Պատվիրատուն կշնորհի պայմանագիրն այն Կապալառուին, որի Գնառաջարկը որոշվել է որպես սույն հրավերին ըստ էության համապատասխանող, և որի Գնառաջարկը նվազագույն գնահատվածն է:

9. Այն Կապալառուն, որը վավերության ժամկետում ետ կվերցնի իր Գնառաջարկը, և/կամ պայմանագրի շնորհման դեպքում կհրաժարվի ընդունել պայմանագրի շնորհումը, կհանվի ծրագրի կապալառուների ցանկից երկու տարի ժամկետով: 

10. Պայմանագիրը կկառավարվի կից Պայմանագրի նախագծի պայմաններով ու դրույթներով:

* Հայտը ներկայացնելիս անհրաժեշտ է նկատի ունենալ, որ սույն ծրագրի շրջանակներում ձեռք բերվող ապրանքները, աշխատանքները և մատուցվող ծառայություններն ազատված են ԱԱՀ-ից և մաքսատուրքից:

11. Ձեր Գնառաջարկը պետք է ներկայացվի մինչև 2024թ. դեկտեմբերի 18-ը, ժամը 15:00: Գնառաջարկները կբացվեն հրապարակավ` 2024թ. դեկտեմբերի 18-ը, ժամը 15:00-ին, այն կապալառուների/հայտատուների ներկայացուցիչների ներկայությամբ, ովքեր նախընտրել են ներկա գտնվել հետևյալ հասցեում.

ՀՀ, ք. Երևան, 26/1 Վազգեն Սարգսյան փողոց, Էրեբունի Պլազա, գր․ 414:

​

ՀՐԱՎԵՐԻ ԱՄԲՈՂՋԱԿԱՆ ՓԱԹԵԹԸ ԲԵՌՆԵԼ ՀՂՈՒՄՈՎ 

Հետաքրքրության հայտ ներկայացնելու հրավեր

(Խորհրդատվական ծառայություններ-կազմակերպության ընտրություն)

31 հոկտեմբերի 2024թ․

Երկիր` Հայաստանի Հանրապետություն

Ծրագրի անվանումը` «Փոքր մասշտաբի վերականգնվող էներգիայի և էներգիաարդյունավետության միջոցառումներ հանրային շենքերում և պիլոտային ջերմամեկուսացում տնային տնտեսությունների մակարդակում միջոցառում»

GIZ դրամաշնորհ No.  81297609

Պայմանագրի անվանումը` Հանրային իրազեկման միջոցառումներ Լոռու, Տավուշի, Գեղարքունիքի մարզերում կայուն էներգետիկ տեխնոլոգիաների կիրառումը խթանելու նպատակով;

Փաթեթի համարը` GIZ/ESF/CS/CQS - 2024/003

Իրազեկման միջոցառումների փորձառությամբ կազմակերպությունների ներկայացուցիչներին

1. Էներգախնայողության աջակցման հիմնադրամը GIZ-ից ստացել է դրամաշնորհ  «ԵՄ-ն հայկական համայնքներում էներգաարդյունավետության և վերականգնվող էներգիայի համար ծրագիր-Փոքր մասշտաբի վերականգնվող էներգիայի և էներգիաարդյունավետության միջոցառումներ հանրային շենքերում և պիլոտային մեկուսացում տնային տնտեսությունների մակարդակում միջոցառում» ծրագրի ծախսերը հոգալու նպատակով, և մտադիր է միջոցների մի մասն օգտագործել No. GIZ/ESF/CS/CQS - 2024/003 պայմանագրի շրջանակներում Հանրային իրազեկման միջոցառումներ Լոռու, Տավուշի, Գեղարքունիքի մարզերից ցանկացած երկուսում կայուն էներգետիկ տեխնոլոգիաների կիրառումը խթանելու նպատակով խորհրդատվական ծառայությունների ձեռքբերման համար:

2. Էներգախնայողության աջակցման հիմնադրամը այժմ հրավիրում է իրավասու հայտատուներին մրցութային հայտեր ներկայացնել Հանրային իրազեկման միջոցառումներ Լոռու, Տավուշի, Գեղարքունիքի մարզերից ցանկացած երկուսում կայուն էներգետիկ տեխնոլոգիաների կիրառումը խթանելու նպատակով, Հանրային իրազեկման միջոցառումների իրականացման համար:

3. Հետաքրքրված իրավասու հայտատուները կարող են լրացուցիչ տեղեկություններ ստանալ հետևյալ հասցեով. Էներգախնայողության Հիմնադրամ, ՀՀ, ք. Երևան, 26/1 Վազգեն Սարգսյան պող., Էրեբունի բիզնես կենտրոն 4-րդ հարկ, 414 սենյակ, Արթուր Գրիգորյան, էլ. փոստ՝ info@esfarmenia.org և artgrigoryan@yahoo.com: Մրցույթային փաստաթղթերի մասին հարցերը կարող են պարզաբանվել ստորև նշված հասցեով,  ժամերի ընթացքում՝ 09.00-ից մինչև 18.00:

4. Սույնով  Էներգախնայողության Աջակցման Հիմնադրամը («Պատվիրատու») հրավիրում է իրավասու խորհրդատվական կազմակերպություններին («Խորհրդատուներ») ներկայացնել հետաքրքրության հայտեր վերոնշյալ ծառայությունների մատուցման վերաբերյալ: Նշված ծառայությունները տրամադրելու նպատակով շահագրգիռ Խորհրդատուները պետք է ներկայացնեն տեղեկատվություն պահանջվող որակավորման և համապատասխան փորձի վերաբերյալ (կազմակերպության մասին տեղեկատվություն, նմանատիպ ծառայությունների տրամադրման փորձ/նկարագրություն, պետական գրանցման վկայական, կազմակերպության կոնտակտային տվյալները և այլն):                           

5. Կից՝ Տեխնիկական առաջադրանքը և Խորհրդատուի փորձի ներկայացման աղյուսակը։

6. Որակավորման չափանիշներն են՝

   • Ստեղծարարություն․ որքանո՞վ են գրավիչ և նորարարական առաջարկվող գործողությունները – 20 միավոր:

   • Ազդեցություն՝ իրազեկության բարձրացման և կայուն էներգետիկ տեխնոլոգիաների ընդունման կամ օգտագործման վրա ազդելու ներուժ – 20 միավոր:

   • Իրագործելիություն՝ ինչքանով է իրատեսական և իրագործելի առաջարկ – 20 միավոր:

   • Չափելիություն՝ ինչքանով է իրատեսական ազդեցության գնահատման մեթոդաբանությունը և արդյունքների չափման հնարավորությունը – 20 միավոր:

   • Փորձ՝ նմանատիպ միջոցառումների կազմակերպման փորձ, հատկապես էներգետիկայի կամ բնապահպանական ոլորտներում – 20 միավոր:

7. Գնումն իրականացվելու է Համաշխարհային Բանկի գնումների ընթացակարգով, «Կազմակերպության որակավորման վրա հիմնված ընտրություն» (CQS) մեթոդի կիրառմամբ։

8. Հայտատու ընկերությունները կարող են համագործակցել միմյանց հետ՝ իրենց որակավորումը բարձրացնելու նպատակով։ Այս դեպքում անհրաժեշտ է հստակ նշել համագործակցության ձևը՝ Համատեղ ձեռնարկատիրական գործունեություն (ՀՁԳ) և/կամ ենթախորհրդատու։ Պայմանագրի իրականացման ողջ ընթացքում ՀՁԳ բոլոր անդամները համապարտ պատասխանատվություն են կրում, եթե վերջիններս ընտրվեն:

9. Լրացուցիչ տեղեկություններ ստանալու համար կարող եք դիմել ստորև նշված հասցեով  աշխատանքային օրերին` 09:00-ից մինչև 18:00 ընկած ժամանակահատվածում։ Ստորև բերված են կոնտակտային տվյալները։

10. Հետաքրքրության հայտը պետք է ներկայացվի հայերեն, էլեկտրոնային տարբերակով՝ ստորև նշված հասցեով, ոչ ուշ քան 2024թ-ի նոյեմբերի 8-ը, ժամը 15։00: Հետաքրքրության հայտում պետք է հստակ նշված լինի Հանրային իրազեկման միջոցառումներ Լոռու, Տավուշի, Գեղարքունիքի մարզերից ցանկացած երկուսում էներգետիկ տեխնոլոգիաների կիրառումը խթանելու նպատակով; GIZ/ESF/CS/CQS - 2024/003

​

Վերոնշյալ հասցեն է՝   

​

Պատվիրատու՝ Էներգախնայողության Աջակցության Հիմնադրամ

Լիազորված ներկայացուցիչ՝ տկն․ Աստղինե Պասոյան, Գործադիր տնօրեն

Հասցե՝ ՀՀ, ք. Երևան, 26/1 Վազգեն Սարգսյան պող., Էրեբունի բինես կենտրոն 4-րդ հարկ, 414 սենյակ

Հեռ.՝ +374-93 61 16 19;

Էլ. փոստ՝ info@esfarmenia.org

Էներգախնայողության աջակցման հիմնադրամ

​​​​

​Տեխնիկական առաջարկը բեռնել հետևյալ հղումով